មួក​ការពារ​ដ៏​វៃ​ឆ្លាត​ជួយ​ឲ្យ​ការ​បើក​បរ​​​កាន់​តែ​មាន​សុវត្ថិភាព​ខ្ពស់

អ្នក​បើក​បរ​ម៉ូតូ​ជា​ច្រើន​កំពុង​​ព្រួយ​ បារម្ភ​ពី​សុវត្ថិភាព​ក្នុង​ពេល​កំពុង​ធ្វើ​ដំណើរ​មែន​ទេ? នៅ​ពេល​បើក​បរ​​ម្តងៗ​ត្រូវ​ងាក​ទៅ​ក្រោយ​ឬ​ត្រូវ​មើល​កញ្ចក់​ថា​តើ​​មាន​ ឡាន​ ម៉ូតូ​នៅ​ពី​ក្រោយ​ឬ​អត់​មុន​ពេល​ឆ្លង​ផ្លូវ​។ ដោយ​សារ​តែ​មានការ​លំបាក​បែប​នេះ​ហើយ​ទើប​វិបសាយ​ Indiegogo ​គ្រោង​នឹង​បង្កើត​មួក​ការពារ​វៃ​ឆ្លាត​មួយ​ឈ្មោះ SKULLY។

SKULLY ​នឹង​​បំពាក់​ដោយ​កាមេរ៉ា​នៅ​ពី​ក្រោយ​ និង​ប្រព័ន្ធ GPS​ ដែល​ងាយ​ស្រួល​សម្រាប់​អ្នក​បើកបរ​ក្នុង​ពេល​កំពុង​បើក​បរ។
មួក​ការពារ​ដ៏​វៃ​ឆ្លាត​មួយ​នេះ​មាន​​​​កញ្ចក់​​​សម្រាប់​បង្ហាញ​ព័ត៌មាន​ (heads-up-display) ​ដែល​ប្រើ​សម្រាប់​ទទួល​ព័ត៌មាន​ពី​កាមេរ៉ា​នៅ​ខាង​ក្រោយ​ដោយ​បាន​រួម​ បញ្ចូល​ Microprocessor ដែល​មាន​ល្បឿន​លឿន។​

បច្ចុប្បន្ន ​ វិបសាយ Indiegogo កំពុង​តែ​ប្រមូល​មូលនិធិ​ឲ្យ​គ្រប់​២៥ម៉ឺន​ដុល្លារ​ដើម្បី​ឲ្យ​​គម្រោង​ផលិត ​មួក​ការពារ​ SKULLY ទទួល​បាន​ជោគជ័យ។

លក្ខណៈ​ពិសេស​របស់​ SKULLY៖

- បំពាក់​ដោយ​កាមេរ៉ា​នៅ​ពី​ក្រោយ​ (Ultra wide angle rear-view camera )។
- ទប់​ស្កាត់​ភាព​ស្រអាប់​លើ​កញ្ចក់ ការពារ​ស្នាម​ឆ្កូត និង​ការ​ពារ​ចំណាំង​ផ្លាត​ពន្លឺ។
- មាន​ប្រព័ន្ធ Bluetooth​ និង​អ៊ីនធឺណិត​សម្រាប់​ភ្ជាប់​ទៅ​ Smartphone។
- អាច​កាត់​បន្ថយ​ការ​បែក​ញើស​បាន​ដល់​ទៅ​ ៧០ភាគរយ។
- មាន​ប្រព័ន្ធ​សំឡេង និង​ GPS (Audio/Visual GPS Navigation)។
- អាច​ដោនឡូត​​(Download) ឬ​អាប់ដេត (Update) កម្មវិធី​ថ្មី​សម្រាប់​មុខ​ងារ​មួយ​ចំនួន​នៅ​ក្នុង​ SKULLY។