ថ្មីៗនេះ
ក្រុមហ៊ុនផលិតគ្រឿងអេឡិចត្រូនិក LG
ដ៏ធំរបស់កូរ៉េខាងត្បូងបានប្រកាសម៉ូដែលថ្មីមួយទៀតបន្ទាប់ពី
G3 គឺ G3 A ដែលមានសមត្ថភាពកាន់តែពិសេសជាងមុខ។
LG G3 A ជាកំពូល Smartphone
ដែលបានបំពាក់បំពាក់លក្ខណៈសម្បត្តិល្អៗនិងគុណភាពបន្ថែមលើ G3
ទៅទៀតដោយមានអេក្រង់ទំហំ ៥,២
អ៊ីញនិងមានសមត្ថភាពបង្ហាញរូបភាពក៏ដូចជាវីដេអូក្នុងកម្រិត
1080p។ បើនិយាយពីការលេងហ្គេម
និងការប្រើប្រាស់កម្មវិធីជាច្រើនក្នុងពេលតែមួយរឹតតែគ្មានបញ្ហា
ជាមួយ CPU quad-core (Snapdragon 800 SoC) ដែលមានទំហំល្បឿនដល់ទៅ
2.26 GHz។
លើសពីនេះវាបំពាក់ Ram ទំហំ 2GB
និងមានអង្គចងចាំ 32 GB ហើយជាពិសេសអាចបន្ថែម Memory Card
ពីក្រៅបានទៀតផង។ ចំណែកកាមេរ៉ាក្រោយរបស់វាមានទំហំដល់ទៅ 13 MP
ជាមួយបច្ចេកវិទ្យា OIS
ដែលអាចថតរូបនិងវីដេអូបានច្បាស់ល្អហើយមានកម្រិតថាមពលថ្ម
2,160 mAh ព្រមទាំងដំណើរការជាមួយ Android 4.4 KitKat។
G3
A ផ្ដល់ជូនជាជម្រើសពីរពណ៌គឺ ស និងទង់ដែង
ប៉ុន្តែប្រភពមិនទាន់បង្ហាញតម្លៃនៅឡើយទេ។ស៊េរីមួយនេះមានលក់តែ
នៅកូរ៉េខាងត្បូងប៉ុណ្ណោះ៕
