khmerZAM

កម្ពុជា ធ្លាក់ចំណាត់ថ្នាក់ដល់លេខ ២០១ ក្នុងតារាង FIFA នៅខែសីហា នេះ

ចំណាត់ថ្នាក់ក្រុមបាល់ទាត់ជម្រើសជាតិ របស់ប្រទេសនីមួយៗ ដែលជាសមាជិករបស់សហព័ន្ធកីឡាបាល់ទាត់អន្តរជាតិ (FIFA) បានចេញជាផ្លូវការហើយសម្រាប់ខែសីហា នៅថ្ងៃទី ១៤ សីហា ឆ្នាំ ២០១៤ នេះ ស្របពេលដែលក្រុមកម្ពុជា បន្តធ្លាក់ចុះដល់លេខ២០១ ដែលជាចំណាត់ថ្នាក់មិនធ្លាប់មានក្នុងប្រវត្តិសាស្ត្រ។

ចំណាត់ប្រទេសប្រចាំតំបន់អាស៊ាន

ក្នុង ចំណោមបណ្ដាប្រទេសនៅអាស៊ីអាគ្នេយ៍កម្ពុជាស្ថិតនៅក្រោមគេបំផុត ហើយខែនេះធ្លាក់ចុះ១លេខទៀត ខណៈដែលខែមុនលេខ២០០។ ចំណែកប្រទេសប៊្រុយណេ និងទីម័រខាងកើត ឈរលេខ១៩៣ដូចគ្នា និង ធ្លាក់ចុះ១លេខដូចគ្នា។ ក្រុមឡាវ លេខធ្លាក់ចុះពីរលេខដល់១៧២ រីឯមីយ៉ាន់ម៉ា ឈរ១៦០ដដែល ស្របពេលដែលប្រទេសថៃ នៅទ្រឹងលេខ ១៥៧។ ងាកទៅក្រុមម៉ាឡេស៊ី ធ្លាក់ចុះ៤លេខមកដល់១៥៥ ដោយឡែកឥណ្ឌូណេស៊ីនៅនឹង១៥៣។ សិង្ហបុរីឡើងពីរលេខទៅ១៥២ វៀតណាមធ្លាក់ចុះ១០លេខមកដល់១៣៩ និងហ្វីលីពីនឈរ១២៨ដដែល។

ចំណែក ក្រុមចំណាត់ថ្នាក់លេខ១ កំពូលតារាងនៅតែជាអាល្លឺម៉ង់ ដេញតាមពីក្រោយដោយលេខពីរអាហ្សង់ទីន លេខ៣ហូឡង់ លេខ ៤ កូឡុំប៊ី, លេខ ៥ បែលហ្ស៊ិក, លេខ ៦ អ៊ុយរុយហ្គាយ, លេខ៧ អេស្ប៉ាញ, លេខ៧ ស្ទួន, ប្រេស៊ីល, លេខ ៩ ស្វីស និង លេខ ១០ បារាំង៕

ញាក់សាច់ ! បើ U-21 កម្ពុជា ឈ្នះមួយប្រកួត BIDC ឧបត្ថម្ភ ២ ពាន់ដុល្លារ

4:24 AM about sport

ធនាគារវិនិយោគនិងអភិវឌ្ឍន៍កម្ពុជា (BIDC) សម្រេចឧបត្ថម្ភប្រាក់ចំនួន ២,០០០ ដុល្លារសហរដ្ឋអាមេរិក សម្រាប់ប្រកួតណាដែលក្រុមជម្រើសជាតិកម្ពុជាយុវជនក្រោមអាយុ២១ឆ្នាំ (U21) ឈ្នះ នៅយុទ្ធនាការប្រកួតពានរង្វាន់ Hassanal Bolkiah Trophy 2014 (HBT) ដែលរៀបចំនៅប្រទេសប្រ៊ុយណេ។

ក្រុមជម្រើសជាតិ U-21 ឆ្នាំរបស់កម្ពុជា មុនចេញទៅប្រកួត

នេះ បើយោងតាមសេចក្ដីប្រកាសព័ត៌មានរបស់សហព័ន្ធកីឡាបាល់ទាត់កម្ពុជា (FFC) ចុះថ្ងៃទី ១៣ សីហា ម្សិលមិញ។ ការឧបត្ថម្ភនេះគឺធ្វើឡើងដើម្បីលើកទឹកចិត្តដល់ក្រុម U21 កម្ពុជា ឱ្យកាន់តែកក់ក្ដៅនៅលើឆាកអន្តរជាតិ។

HBT 2014 មានក្រុមចំនួន ១១ មកពីប្រទេសក្នុងតំបន់អាស៊ានចូលរួម ដោយចែកជា ២ ពូល ហើយចាប់ប្រកួតតាំងពីថ្ងៃទី ៨ ដល់ ២៣ សីហា ឆ្នាំ ២០១៤ ខណៈកម្ពុជា ស្ថិតនៅពូល B ជាមួយក្រុម ម្ចាស់ផ្ទះប្រ៊ុយណេ, វៀតណាម. ម៉ាឡេស៊ី, សិង្ហបុរី, ឥណ្ឌូណេស៊ី។
ក្រុមកម្ពុជា បានប្រកួតឈ្នះពីរលើកជាប់គ្នាក្នុងប្រកួតដំបូងដោយ ឈ្នះប្រ៊ុយណេ ១ -០ និង បន្តឈ្នះក្រុមសិង្ហបុរី ៣ -១។ ចំណែកប្រកួតចុងក្រោយចាញ់ ម៉ាឡេស៊ី ១ ទល់ ០។ ដូច្នេះគិតត្រឹមពេលនេះធនាគារ BIDC ត្រូវចំណាយប្រាក់ ៤ ពាន់ដុល្លារហើយសម្រាប់ត្រៀមឱ្យក្រុម U21 កម្ពុជា។

សម្រាប់ប្រកួតបន្ទាប់ កម្ពុជា ត្រូវបន្តប្រកួតជម្រុះក្នុងពូល ដោយប៉ះក្រុមឥណ្ឌូណេស៊ី នៅថ្ងៃទី ១៦ សីហា និង ប៉ះក្រុមវៀតណាម នៅថ្ងៃទី ១៨ សីហា ខាងមុខ។ ប្រសិនបើក្រុមកម្ពុជាឈរជាក្រុមខ្លាំង២ ក្នុងតារាងពូល B នោះនឹងមានឱកាសឡើងទៅលេងវគ្គពាក់កណ្ដាលផ្ដាច់ព្រ័ត្រជាបន្តទៀត៕

CR7 ថាក្លិបនៅប្រទេសអង់គ្លេសអាចប្រជែងយកពាន Champions League រដូវកាលនេះ

4:22 AM about sport

កីឡាករ Cristiano Ronaldo មានក្ដីសង្ឃឹមថាក្លិបបាល់ទាត់នៅប្រទេសអង់គ្លេសអាចប្រជែងយកពាន ធំជាងគេប្រចាំទ្វីបអឺរ៉ុប UEFA Champions League បាន ប៉ុន្តែមិនមែនមានន័យថាអាចឈ្នះក្រុមការពារតំណែងជើងឯកចាស់ Real Madrid នោះទេ។

ម្ចាស់ ពានរង្វាន់ FIFA Ballon d’Or 2013 បាននិយាយនៅពេលធ្វើបទសម្ភាសន៍ថា៖ “ក្លិបនៅប្រទេសអង់គ្លេសមិនអន់ទេរដូវកាលនេះ។ ដូចដែលយើងឃើញហើយថាមុនបើករដូវកាលនេះក្រុមរបស់ពួកគេទិញកីឡាករ ថ្មីៗច្រើនណាស់សុទ្ធតែកីឡាករល្អៗពោរពេញដោយបទពិសោធន៍ ដូច្នេះយើងនឹងចាំមើលថាពួកគេលេងបានល្អប៉ុនណា។ ប៉ុន្តែ Real Madrid នៅតែជាក្លិបខ្លាំងជាងគេ ខ្ញុំសប្បាយចិត្តណាស់ពេលក្លិបរបស់ខ្ញុំទទួលបានសមាជិកថ្មីមក បំពេញចន្លោះប្រហោងក្លិបមានដូចជា James Rodriguez, Toni Kroos និង Keylor Navas។ នេះមានន័យថាយើងនឹងរឹតតែខ្លាំងជាងមុន យើងនឹងព្យាយាមហ្វឹកហាត់ថែមទៀតដើម្បីអាចលើកពានបានច្រើនរដូវកាល នេះ”។

ចុចអាន៖ ដឹងថាឥឡូវកីឡាករ១០រូបណាមានតម្លៃខ្លួនថ្លៃជាងគេបំផុតក្នុងប្រវត្តិសាស្ត្របាល់ទាត់?

អតីត កីឡាកររបស់ Man Utd រូបនេះបានបន្ថែមទៀតថា៖ “កាលប្រកួតជាមួយក្រុម Sevilla ខ្ញុំឃើញសមាជិកក្រុមលេងបានល្អខ្លាំងណាស់ជាពិសេសកីឡាករ Gareth Bale។ Bale ជាកីឡាករលេងល្អខ្លាំងណាស់ គាត់លេងយល់ចិត្តមិត្តរួមក្រុមជាពិសេសខ្ញុំតែម្ដង។ គាត់លេងដឹងតាក់ទិច(tactic)ខ្ញុំហើយខ្ញុំក៏ដឹងពីគាត់ យើងលេងជាមួយគ្នាបានយ៉ាងល្អឥតខ្ចោះ ខ្ញុំស្រលាញ់របៀបលេងបែបនេះណាស់”។

Real Madrid players hoist Carlo Ancelotti in the air after winning last season's competition

ក្លិប នៅអង់គ្លេសដែលបានលេងក្នុងវគ្គចែកពូលក្នុងពាន Champions League ស្វ័យប្រវត្តិមានដូចជា Machester City, Chelsea និង Liverpool ខណៈក្រុម Arsenal ត្រូវលេងជម្រុះសិនជាមួយក្លិប Besiktas របស់ប្រទេសទួរគីមុនបានទៅវគ្គចែកពូល៕

រូបភាពជាង ២០ សន្លឹកពីការប្រកួតប្រណាំងរថយន្ត និង ម៉ូតូ ឆ្លងកាត់ ថៃ – កម្ពុជា

4:21 AM about sport

ការប្រកួតប្រណាំងរថយន្ត និង ម៉ូតូ ឆ្លងកាត់ឧបសគ្គជើងឯកអាស៊ីឆ្នាំ២០១៤ (Asia Cross Country Rally 2014) ដែលរៀបចំតាំងពីថ្ងៃទី ៩ សីហា មកបានចេញដំណើរពីទីក្រុងប៉ាតាយ៉ា ប្រទេសថៃហើយសំដៅមកកាន់ច្រកព្រំដែនអន្តរជាតិ ប៉ោយប៉ែត បន្តចួលដល់ខេត្តបន្ទាយមានជ័យ, សៀមរាប, បាត់ដំបង។

ការ ប្រកួតនឹងបន្តធ្វើដំណើរឆ្លងកាត់ខេត្តពោធិ៍សាត់, កំពង់ឆ្នាំង, កំពង់ស្ពឺ និង មកដល់រាជធានីភ្នំពេញ នៅថ្ងៃទី ១៥ សីហា ស្អែកនេះ។

Asia Cross Country Rally 2014 មានរថយន្តចូលរួមប្រមាណ ៧៥ រថយន្ត និង ម៉ូតូ ១៦ គ្រឿង ដែលមានក្រុមការងារនិងកីឡាករចំនួន ២៩១ នាក់ មកពីបណ្ដាប្រទេសមួយចំនួនតាមតំបន់អាស៊ីដូចជា ជប៉ុន, ថៃ, កូរ៉េខាងត្បូង, ហុល្លង់, ស៊ុយអែត, កោះតៃវ៉ាន់ និង កម្ពុជា។ សម្រាប់កម្ពុជា បានបញ្ជូនកីឡាករប្រណាំងម៉ូតូចំនួន ៣ គ្រឿង និង រថយន្តមួយគ្រឿង។
ខាងក្រោមជារូបភាពខ្លះៗ នៃការប្រកួតប្រជែងនៅឆ្នាំនេះលើដងផ្លូវចម្ងាយប្រមាណជាង ២០០០ គីឡូម៉ែត្រ៖

Man Utd ប្រគល់លេខ១១របស់ Ryan Giggs ឱ្យ Januzaj តែរក្សាលេខ៧និងលេខ៩ឱ្យនៅទំនេរដដែល

4:18 AM about sport

ក្រុមបិសាចក្រហម Manchester United បានប្រកាសពីលេខអាវរបស់កីឡាករម្នាក់ៗជាផ្លូវការហើយសម្រាប់រដូវ កាល២០១៤-១៥ Barclays Premier League។
ខ្សែការពារឆ្វេងថ្មី Luke Shaw ពាក់លេខ៣ជំនួស Patrice Evra ខណៈខ្សែប្រយុទ្ធស្លាប Adnan Januzaj ពាក់លេខ១១ដ៏ល្បីល្បាញរបស់ Ryan Giggs ហើយខ្សែបម្រើកណ្ដាល Ander Herrera ពាក់លេខ២១។ ខ្សែបម្រើសញ្ជាតិប្រេស៊ីល Anderson ពាក់លេខ២៨ជំនួសឱ្យលេខ៨ដែលត្រូវបានក្លិបប្រគល់ឱ្យ Juan Mata រីឯខ្សែបម្រើប្រយុទ្ធ Nick Powell ដែលត្រូវ Wigan ខ្ចីជើងរដូវកាលមុន ពាក់លេខ២២។

ដោយ ឡែក លេខ៧ដ៏ល្បីល្បាញរបស់ក្លិបដែលធ្លាប់ពាក់ដោយកីឡាករឆ្នើមៗដូចជា Eric Cantona, David Beckham, Cristiano Ronaldo និង Michael Owen ជាដើមនោះ ត្រូវគេរក្សាទុកឱ្យនៅទំនេរដដែល ស្របពេលលេខ៩ដែលនៅទំនេរតាំងពីក្រោយការចាកចេញរបស់ Dimitar Berbatov នោះ ក៏មិនទាន់មានអ្នកកាន់កាប់នៅឡើយដែរ ដូចគ្នាទៅនឹងលេខ៥របស់ Rio Ferdinand។

ឈ្មោះកីឡាករ	តួនាទី	លេខអាវ
David De Gea	អ្នកចាំទី	១
Rafael	ខ្សែការពារស្ដាំ	២
Luke Shaw	ខ្សែការពារឆ្វេង	៣
Phil Jones	ខ្សែការពារកណ្ដាល	៤
Jonny Evans	ខ្សែការពារកណ្ដាល	៦
Juan Mata	ខ្សែបម្រើប្រយុទ្ធ	៨
Wayne Rooney	ខ្សែប្រយុទ្ធ	១០
Adnan Januzaj	ខ្សែបម្រើស្លាប	១១
Chris Smalling	ខ្សែការពារកណ្ដាល	១២
Anders Lindegaard	អ្នកចាំទី	១៣
Chicharito	ខ្សែប្រយុទ្ធ	១៤
Michael Carrick	ខ្សែបម្រើកណ្ដាល	១៦
Nani	ខ្សែបម្រើស្លាប	១៧
Ashley Young	ខ្សែបម្រើស្លាប	១៨
Danny Welbeck	ខ្សែប្រយុទ្ធ	១៩
Robin van Persie	ខ្សែប្រយុទ្ធ	២០
Ander Herrera	ខ្សែបម្រើកណ្ដាល	២១
Nick Powell	ខ្សែបម្រើប្រយុទ្ធ	២២
Tom Cleverley	ខ្សែបម្រើកណ្ដាល	២៣
Darren Fletcher	ខ្សែបម្រើកណ្ដាល	២៤
Antonio Valencia	ខ្សែបម្រើស្លាប	២៥
Shinji Kagawa	ខ្សែបម្រើប្រយុទ្ធ	២៦
Anderson	ខ្សែបម្រើ	២៨
Wilfried Zaha	ខ្សែប្រយុទ្ធ	២៩
Guillermo Varela	ខ្សែការពារស្ដាំ	៣០
Marouane Fellaini	ខ្សែបម្រើ	៣១
Tom Lawrence	ខ្សែប្រយុទ្ធ	៣៤
Jesse Lingard	ខ្សែបម្រើប្រយុទ្ធ	៣៥
Marnick Vermijl	ខ្សែការពារស្ដាំ	៣៦
Michael Keane	ខ្សែការពារ	៣៨
Ben Amos	អ្នកចាំទី	៤០
Will Keane	ខ្សែប្រយុទ្ធ	៤៨
James Wilson	ខ្សែប្រយុទ្ធ	៤៩
Sam Johnstone	អ្នកចាំទី	៥០

ប្រពន្ធ Cute សេន ប៊ុនថេន៖ «ប្តីខ្ញុំមិនដូចកីឡាករខ្មែរទៅប្រកួតនៅ Thai Fight មុនៗទេ»

4:15 AM about sport

កីឡាករកម្ពុជាដែលទៅប្រកួតនៅកម្មវិធី Thai Fight មុនៗសុទ្ធតែសន្លប់ដោយឆ្លងមិនផុតដល់ទឹកទី៣ ប៉ុន្តែសម្រាប់ សេន ប៊ុនថេននឹងមិនដូចកីឡាករខ្មែរមុនៗទេ។ នេះជាការលើកឡើងរបស់អ្នកស្រី ឃីម ខាន់សោភ័ណ្ឌ ជាភរិយារបស់ សេន ប៊ុនថេន។
អ្នកនាង ខាន់សោភ័ណ្ឌ បាននិយាយមុនដំណើរចេញទៅប្រកួតនៅប្រទេសថៃថា គាត់មានជំនឿចិត្តយ៉ាងមុតមាំចំពោះប្តីរបស់ខ្លួន។ បទពិសោធន៍ រួមនឹងស្នៀតកែងដ៏មុតស្រួច ហើយស្ថិតិប្រកួតមិនធ្លាប់សន្លប់កន្លងមកជាកត្តាធ្វើឲ្យគាត់ ទុកចិត្តលើសេន ប៊ុនថេន ដែលត្រូវទប់ទល់នឹង Antoine Pinto ចុងសប្តាហ៍នេះ។

ចុចអាន៖ សេន ប៊ុនថេន សម្ងំហ្វឹកហាត់យ៉ាងអាថ៌បាំងដើម្បីត្រៀមទៅ Thai Fight ចុងសប្តាហ៍នេះ
ភរិយាដ៏ស្រស់ស្អាតរូប នេះបាននិយាយថា៖ «អត់បញ្ហាទេសម្រាប់ប្ដីខ្ញុំក្នុងការចេញទៅប្រកួតនៅ Thai Fight នេះ។ គាត់និងខ្ញុំដឹងថា Pinto ខ្លាំង ហើយកីឡាករខ្មែរដែលធ្លាប់ចេញទៅប្រកួត Thai Fight មុនៗសុទ្ធតែសន្លប់ តែប្ដីខ្ញុំគាត់វៃតាមធម្មតា ដោយមិនកំរោល អីចឹងខ្ញុំគិតថាគាត់អាចស៊ូរួចចប់ចុងចប់ដើម»។
អ្នកនាង ខាន់សោភ័ណ្ឌបន្តលើកឡើងថា ប្ដីរបស់គាត់ប្រហែលជាមិនបានហ្វឹកហាត់នោះទេរយៈពេលជាងមួយសប្តាហ៍នេះ ពីព្រោះជាប់រវល់ទៅស្រុកកំណើត និងចូលរួមពិធីសែនក្បាលទឹក។
សម្រាប់ លោក អេ ភូថងក៏ជឿជាក់សេន ប៊ុនថេនដែលអាចនឹងធ្វើបានល្អ។ អតីតអ្នកប្រដាល់រូបនេះបាននិយាយថា ៖ «សេន ប៊ុនថេន នឹងធ្វើបានល្អ អ៊ើ…ថ្វីត្បិតតែ Pinto គេខ្លាំង តែផ្លែគេអត់មុតដូចយើងទេ អីចឹងខ្ញុំរំពឹងថា ប៊ុនថេន នឹងអាចធ្វើបានល្អ»។
និយាយពីស្នៀតប្រយុទ្ធវិញ Pinto ប្រើក្បាច់ចម្រុះបានយ៉ាងល្អក្នុងនោះ កែង កណ្តាប់ដៃ និងឡើងជង្គង់គឺប្រើបានល្អទាំងអស់ ប៉ុន្តែអ្វីដែលគួរឲ្យចាប់អារម្មណ៍បំផុតនោះគឺការទាត់ផ្កាប់ចាន និងជើងក្រោមបានយ៉ាងល្អឥតខ្ចោះដែលដៃគូងាយស្រុតចុះកម្លាំងដោយ សាររន្ទះជើងរបស់គេបូករួមទាំងកម្លាំងស៊ុហ្វពេញផង។
ចំណែក សេន ប៊ុនថេនប្រើស្នៀតសម្លាប់ដៃគូបានល្អតែម្យ៉ាងគត់គឺទម្ងន់ជើង ប៉ុន្តែខ្សោយកែង កណ្តាប់ដៃ និងជង្គង់។ ជារឿយៗកីឡាករកម្ពុជារូបនេះធ្លាក់កម្លាំងនៅចុងទឹកទី៤ និងទី៥ ប៉ុន្តែការប្រកួតលើកនេះមិនជាបញ្ហាទេ ពីព្រោះប្រកួតត្រឹមតែ៣ទឹក។
បច្ចុប្បន្ន Antoine Pinto ជាតារាដ៏ប្រជាប្រិយប្រចាំកម្មវិធី Thai Fight ទាំងការប្រកួត និងរូបសង្ហាដែលចេញមុខតែជាមួយកីឡាករបរទេស។
កីឡាកររូបនេះធ្លាប់ជួបកីឡាករថៃល្បីដែរដូចជាថ្ងៃទី២៨ ខែវិចិ្ឆកា ឆ្នាំ២០១១ ចាញ់ពិន្ទុ Yodsanklai ដែលធ្លាប់ផ្តួលកីឡាករខ្មែរ កែវ រំចង់ ក្នុងទឹកទី២ ហើយក៏ធ្លាប់ចាញ់ពិន្ទុកីឡាករ Iquezang ដែលផ្តួល វង្ស ណយ និងកីឡាករថៃល្បីទៀត។ ប៉ុន្តែចាប់តាំងពីក្លាយជាតារាប្រចាំកម្មវិធី Thai Fight មករូបគេលែងប្រកួតនឹងកីឡាករថៃហើយ។
គិតត្រឹមថ្ងៃទី២៨ ខែមិថុនា ឆ្នាំ២០១៤កន្លងទៅ Pinto ធ្លាប់ប្រកួតបាន១៤៨ដង ឈ្នះជាង១០០ដង ប៉ុន្តែក៏ចាញ់ច្រើនដែរ។ យោងតាមទំព័រ wikipedia បានបង្ហាញពីចំនួនប្រកួតផ្លូវការចំនួន៨៣ដងក្នុងនោះចាញ់២៦ដង ហើយធ្លាប់គ្រងខ្សែក្រវាត់ និងពានរង្វាន់ជាច្រើនគ្រឿងចាប់តាំងពីឆ្នាំ២០០៥ដល់២០១៤នេះ។
ការ ជួបគ្នារវាងជើងខ្លាំងកម្ពុជា សេន ប៊ុនថេន និងអ្នកលេងឆ្លងទ្វីប Antoine Pinto នឹងប្រព្រឹត្តទៅនៅសង្វៀនកីឡដ្ឋាន Gymnasium Stadium ក្នុងខេត្ត Nakhon Sawan វេលាម៉ោង៦:៣០នាទី នាល្ងាចថ្ងៃសៅរ៍ ទី១៦ ខែសីហា ឆ្នាំ២០១៤តទៅ ហើយនឹងមានផ្សាយផ្ទាល់តាមទូរទស្សន៍ប៉ុស្តិ៍លេខ៣របស់ថៃ៕

Man Utd ត្រៀមលុយ ៨០លានផោនទិញ Di Maria, Marcos Rojo និង Daley Blind

10:51 PM about sport

ក្លិបបាល់ទាត់ Manchester United ត្រៀមលុយ៨០លានផោន(១៣៤លានដុល្លារ)បន្ថែមទៀតឲ្យលោក Louis van Gaal សម្រាប់បន្តទិញកីឡាករមកពង្រឹងក្រុមក្នុងរដូវកាលនេះ។

ក្រុមបិសាចក្រហមមានសង្ឃឹមថាកីឡាករខ្សែប្រយុទ្ធស្លាបរបស់ Real Madrid, Angel Di Maria អាចនឹងមក Old Trafford ក្នុងតម្លៃខ្លួន៥០លានផោន(៨៤លានដុល្លារ) ខណៈខ្សែការពារជម្រើសជាតិអាហ្សង់ទីន Marcos Rojo និងខ្សែការពារជម្រើសជាតិហុល្លង់ Daley Blind សុទ្ធតែនៅក្នុងរ៉ាដារបស់លោក Van Gaal ដែរ។

Angel Di Maria

អនុប្រធាន ប្រតិបត្តិក្លិប Man Utd លោក Ed Woodward បានទៅមើលការប្រកួតផ្ទាល់រវាងក្រុម Real Madrid និង Sevilla ក្នុងពានរង្វាន់ UEFA Supper Cup នៅទីក្រុង Cardiff ប្រទេសវេលយប់មិញ។ បន្ទាប់ពីការប្រកួតចប់លោកក៏បាននិយាយជាមួយលោក Carlo Ancelotti ពីអនាគតរបស់ខ្សែប្រយុទ្ធស្លាបជម្រើសជាតិអាហ្សង់ទីនដែលក្លិបរបស់ លោកចង់បានជាយូរណាស់មកហើយ។ អតីតសមាជិកក្លិប Benifca វ័យ២៦ឆ្នាំរូបនេះត្រូវបានក្លិបម្ចាស់ពានរង្វាន់ International Champions Cup 2014 ចង់បានតាំងពីសម័យលោក Sir Alex Ferguson និង Divid Moyes នៅម៉្លេះប៉ុន្តែតាមទិញមិនបាន។ ទើបមកដល់ពេលនេះតម្លៃខ្លួន៥០លានផោនដែលក្លិប Paris Saint German និយាយថាថ្លៃនោះក៏អ្នកចាត់ការក្រុមបិសាចក្រហមហ៊ានឲ្យដែរ សំខាន់ Real Madrid លក់ឫអត់។ កីឡាករដែលលោក Van Gaal ចាត់ទុកជាខ្សែប្រយុទ្ធស្លាបល្អបំផុតម្នាក់របស់ពិភពលោករូបនេះ មិនបានចូលលេងទេក្នុងជ័យជម្នះ២-០របស់ក្រុមស្ដេចសយប់មិញ ដោយបានត្រឹមអង្គុយកៅអីបម្រុងមើលមិត្តរួមក្រុមថ្មី James Rodriguez លេងលើទីលាន។

Marcos Rojo (left) of Sporting Lisbon and Argentina is also wanted by Louis van Gaal

Marcos Rojo (លេខ១៦)

ដោយ ឡែក កីឡាករ Rojo បដិសេធហ្វឹកហាត់ជាមួយក្លិប Sporting Lisbon កាលពីម្សិលមិញនិងសុំចាកចេញពីក្លិបនេះ ស្របពេលដែល Man Utd កំពុងចង់បានស្រាប់។ ចំណែកកីឡាករ Daley Blind ដែលជាអតីតកូនសិស្សលោក Van Gaal នៅ World Cup 2014 វិញ ក្លិប Ajax បានដាក់តម្លៃលក់ហើយគឺ១៥លានផោន ប៉ុន្តែលោក Van Gaal មានអ្នកប្រជែងមួយទៀតគឺក្លិប Barcelona៕

Daley Blind (អាវខៀវ)

អ៊ុយក្រែនបិទទ្វារផ្ទះមិនឲ្យរុស្ស៊ីចូល ខ្លាចបង្កប់គំនិតឈ្លានពានបង្កគ្រោះធំ

10:49 PM internationalnews

ក្បួនរថយន្តដឹកជំនួយមនុស្សធម៌ ២៨០ គ្រឿងរបស់រុស្ស៊ី ដែលកំពុងធ្វើដំណើរទៅជួយសង្គ្រោះប្រជាជននៅភាគខាងកើតប្រទេស អ៊ុយក្រែន បានជាប់គាំងដោយសារប្រទេសកំពុងមានវិបត្តិជាមួយពួកឧទ្ទាមមួយនេះ បានរារាំង។ អ៊ុយក្រែនបាននិយាយថា នឹងមិនអនុញ្ញាតឲ្យបេសកកម្មរបស់រុស្សីនេះចូលទៅក្នុងដែនដីខ្លួន ទេ ដោយសារវាគ្មានកិច្ចសហប្រតិបត្តិការជាមួយកាកបាទក្រហមអន្តរជាតិ ហើយអាចជាប្រតិបត្តិការយោធាសម្ងាត់ណាមួយ។

ការ រាំងស្ទះនេះ គឺដោយសាររដ្ឋាភិបាលអ៊ុយក្រែនមានការព្រួយបារម្ភចំពោះរុស្ស៊ី ដែលអាចបង្កប់គំនិតឈ្លានពានណាមួយនៅក្នុងបេសកកម្មទ្រង់ទ្រាយធំ នេះ។ អ៊ុយក្រែនមានការសង្ស័យថា រុស្ស៊ីអាចយកឱកាសនេះ ដើម្បីបញ្ជូនទ័ព ឬសព្វាវុធចូលទៅក្នុងទឹកដីដែលកំពុងកាន់កាប់ដោយពួកឧទ្ទាមបំបែក រដ្ឋ។

ក្បួន រថយន្តទាំងអស់នឹងត្រូវបានបញ្ឈប់ត្រឹមព្រំដែន ហើយធ្វើការផ្ទេរទៅកាន់មធ្យោបាយផ្សេងទៀតរបស់អ៊ុយក្រែនវិញ ដោយមិនអនុញ្ញាតឲ្យដឹកចូលដោយផ្ទាល់ទេ។ រថយន្តទាំងនោះ មានដឹកចំណីអាហារ និងថ្នាំពេទ្យ ធ្វើដំណើរចេញពីទីក្រុង Naro-Fomins ប្រទេសរុស្ស៊ី កាលពីថ្ងៃអង្គារ ក្នុងទិសដៅចូលទៅភាគខាងកើតប្រទេសអ៊ុយក្រែន។ បេសកកម្មនេះកើតឡើង បន្ទាប់ពីមានកិច្ចព្រមព្រៀងរវាងភាគីទាំងពីរកាលពីថ្ងៃចន្ទ អនុញ្ញាតឲ្យកាកបាទក្រហមចូលទៅជួយសង្គ្រោះប្រជាជននៅភាគខាងកើត អ៊ុយក្រែន ដែលរងគ្រោះខ្លាំងដោយសារការវាយប្រយុទ្ធគ្នា។

មេដឹកនាំ ប្រទេសមហាអំណាចសេរីផ្សេងៗ ដូចជាសហរដ្ឋអាមេរិក បារាំង និងអូស្ត្រាលីបានសម្ដែងការព្រួយបារម្ភថា រដ្ឋាភិបាលទីក្រុងមូស្គូអាចនឹងមានបង្កប់គំនិតអាក្រក់នៅក្នុង បេសកកម្មនេះ ដោយយកលេសចូលជួយប្រជាជនអ៊ុយក្រែន តែបែរជាទៅជួយក្រុមឧទ្ទាមបំបែករដ្ឋទៅវិញ៕

មេដឹកនាំអាមេរិក គេងក្នុងសណ្ឋាគារដែលជាប់បញ្ជីខ្មៅទាំងមិនដឹងខ្លួន

10:47 PM internationalnews

ក្នុងដំណើរចូលរួមកិច្ចប្រជុំដ៏ធំប្រចាំឆ្នាំមួយដែលរៀបចំឡើង ដោយសមាគមប្រជាជាតិអាស៊ីអាគ្នេយ៍ ហៅកាត់ថាអាស៊ាន ស្ថិតក្នុងប្រទេសភូមា ជាមួយមន្ត្រីពាក់ព័ន្ធប៉ុន្មាននាក់ទៀត លោករដ្ឋមន្រ្តីក្រសួងការបរទេសសហរដ្ឋអាមេរិក John Kerry ស្នាក់នៅសណ្ឋាគារលំដាប់ផ្កាយដ៏ប្រណីតមួយទាំងមិនដឹងខ្លួនថា ម្ចាស់សណ្ឋាគារល្អឆើតនោះមានឈ្មោះក្នុងបញ្ជីខ្មៅរបស់អាមេរិកនៅ ឡើយ។

លោករដ្ឋមន្រ្តីក្រសួងការបរទេសសហរដ្ឋអាមេរិក John Kerry (រូបថត៖ AP)

បន្ទាប់ ពីចំណាយពេលស្នាក់នៅមួយយប់ កាលពីថ្ងៃអាទិត្យចុងសប្ដាហ៍កន្លងទៅនេះ ប្រភពចេញពីក្រុមហ៊ុនបារាំងគ្រប់គ្រងអចលនទ្រព្យ Accor SA Group ប្រចាំភូមា ឲ្យដឹងថា ម្ចាស់សណ្ឋាគារបែបស៊ីវិល័យNaypyidaw’s Lake Garden សញ្ជាតិភូមា លោក Zaw Zaw មានឈ្មោះមិនល្អ និងស្ថិតក្នុងបញ្ជីខ្មៅរបស់អាមេរិកនៅឡើយ ក្រោយពីការស៊ើបអង្កេតដ៏ល្អិតល្អន់បញ្ជាក់យ៉ាងច្បាស់ថា ពាណិជ្ជករប្រាក់វាល់លានរូបនេះ មានទំនាក់ទំនងយ៉ាងជិតស្និទ្ធទៅនឹង មេដឹកនាំយោធាភូមា។
Wall Street Journal ឯណេះវិញក៏បានចេញផ្សាយថា សណ្ឋាគារលំដាប់ផ្កាយ Naypyidaw’s Lake Garden ដែលលោក John Kerry ស្នាក់នៅគ្រាន់តែជាកូនជំនួញតូចមួយប៉ុណ្ណោះរបស់ពាណិជ្ជករZaw។ ប្រភពដដែលអះអាងបន្តថា អ្នកបោះទុនរាប់ពាន់លានដុល្លាររូបនេះ ជាឈ្មួញធំ និងល្បីឈ្មោះនៅភូមា។ គេមាន ភាគហ៊ុន និងជាម្ចាស់ លើក្រុមហ៊ុនធំៗ មិនតិចជាង ២០០ទេ។

លោកJohn Kerry ក្នុងកិច្ចប្រជុំកំពូលអាមេរិក-អាស៊ាន កាលពី ២០១៣

យ៉ាង ណាមិញ រដ្ឋមន្ត្រីការបរទេសរូបនេះ មិនបានបញ្ជាក់ពីទម្ងន់ និងលក្ខខណ្ឌដាក់ទោសលើពាណិជ្ជករគាំទ្ររបបដឹកនាំនយោបាយផ្ដាច់ការ Zaw (គាំទ្រលោក ថេនសេន) ដែលជាប់ក្នុងបញ្ជីខ្មៅរបស់អាមេរិក ថាអាចនឹងទទួលពិន័យ ឬទោសទណ្ឌកម្រិតណានោះទេ។

CR7 ស៊ុតចូល២គ្រាប់ឲ្យ Real Madrid លើកពាន UEFA Super Cup

9:26 PM result

ការប្រកួតដណ្ដើមពានរង្វាន់ UEFA Super Cup ឆ្នាំ២០១៤រវាងក្រុម Real Madrid និង Sevilla បញ្ចប់ទៅដោយលទ្ធផល២-០ ដែល២គ្រាប់របស់ក្រុមម្ចាស់ជើងឯក UEFA Champions League រកបានដោយកីឡាករ Cristiano Ronaldo។

ការប្រកួត ចាប់ផ្ដើមនៅទីក្រុង Cardiff ប្រទេសវេល ខាងក្រុមស្ដេចស Real Madrid មានឧកាសច្រើនជាងខាងក្រុមម្ចាស់ជើងឯក Europa League ប៉ុន្តែ មិនទាន់អាចរកគ្រាប់បាល់បានរហូតដល់នាទីទី៣០ទើបខ្សែប្រយុទ្ធ ជម្រើសជាតិព័រទុយហ្គាល់ស៊ុតចូលបានមួយគ្រាប់នាំមុខរហូតចប់តង់ទី ១។ ចូលដល់តង់ទី២ក្រុម Real នៅតែបន្តវាយសម្រុករហូតរកបានមួយគ្រាប់ទៀតនៅនាទីទី៥០ដោយ កីឡាករ CR7 ដដែល។

Real Madrid's star-studded squad line up before the match

កីឡាករ ចំណូលថ្មី James Rodriguez និង Toni Kroos មិនអាចរកគ្រាប់បានទេក្នុងការប្រកួតនេះ ប៉ុន្តែលោក Carlo Ancelotti និយាយក្រោយចប់ការប្រកួតថា៖ “ពួកគេលេងសហការគ្នាបានល្អណាស់ ទោះមិនមានពេលហ្វឹកហាត់គ្រប់គ្រាន់។ ក្រុមយើងនឹងខ្លាំងជាងមុនហើយកីឡាករម្នាក់ៗសុទ្ធតែមានឱកាសរៀង ៗខ្លួនក្នុងការរកគ្រាប់បាល់។ ខ្ញុំសង្ឃឹមថាទៅថ្ងៃខាងមុខយើងនឹងអាចលើកពានបានច្រើន”។

Cristiano Ronaldo celebrates his second goal at the Cardiff City Stadium

Bale shows off the Welsh flag on the pitch as Madrid players celebrated victory

បូក បន្ថែមទាំង២គ្រាប់យប់មិញ កីឡាករម្ចាស់ពានរង្វាន់ Ballon d’Or ២០០៨និង២០១៣ ស៊ុតចូលក្រុម Sevilla ១៨គ្រាប់គិតចាប់តាំងពីមកដល់ក្រុម Real Madrid ឆ្នាំ២០០៩៕

ព័ត៌មានថ្មីបំផុត