khmerZAM

ស្ងាត់ៗ Microsoft បង្ហាញNokia 130 ស៊ីមពីរយ៉ាងស្រស់ស្អាត

ទោះបីជាSmartphone មានការពេញនិយមខ្លាំងក្នុងស្រទាប់យុវវ័យ តែទូរសព្ទ Nokia តម្លៃថោក ដែលគេនិយមហៅថា N ចុចពិលនៅតែអាចដណ្ដើមទីផ្សារមិនចាញ់ទូរសព្ទទំនើបៗប៉ុន្មានទេ។ ថ្មីៗនេះ Microsoft បានបង្ហាញ Nokia 130 ពីរប្រភេទព្រមគ្នាគឺស៊ីមមួយ និងស៊ីមពីរដែលជាជំនាន់ក្រោយមួយទៀត បន្ទាប់ពី Nokia 107 និង 106 ព្រមទាំងមានតម្លៃធូរថ្លៃអាចទទួលយកបាន។

ម៉ូដែលថ្មីនេះត្រូវបានរចនាឡើងមានលក្ខណៈសាមញ្ញ តែបំពាក់លក្ខណៈសម្បត្តិល្អល្មមប្រើដូចខាងក្រោម៖

-អាចមើលវីដេអូ និងចាក់ចម្រៀងស្ដាប់បានតាមសប្បាយ
-អាចបន្ថែម Memory Card ពីក្រៅបានដល់ទៅ 32 GB
-មើលវីដេអូបានដល់ ១៦ ម៉ោង និងស្ដាប់ MP3 បាន ៤៦ម៉ោង
-បំពាក់បច្ចេកវិទ្យា Bluetooth Slam
-អេក្រង់ទំហំ ១,៨ អ៊ីញ
-អាចទុកចោលបានដល់ទៅ ២៦ថ្ងៃទៅ ៣៦ ថ្ងៃ

Beach Vault អាចការពារអីវ៉ាន់សំខាន់ៗពីភ្លៀង ឬពេលទៅលេងសមុទ្របាន

2:55 AM technology

Beach Vault ជាឧបករណ៍ថ្មីដែលមានសមត្ថភាពពិសេសក្នុងការការពារឥវ៉ាន់សំខាន់ៗពី ការបាត់បង់ណាមួយ ហើយជាពិសេសការពារពីទឹកភ្លៀងបានយ៉ាងមានប្រសិទ្ធភាព។
ផលិត ផលមួយនេះបានរកឃើញដោយលោក DaCunha Marcal ដែលត្រូវបានបង្កើតឡើងប្រកបដោយការឆ្នៃប្រឌិតខ្ពស់ក្នុងការថែ រក្សារបស់មានតម្លៃរបស់អ្នកទាំងអស់គ្នាដូចជា Smartphone, Tablet, កាបូបលុយ ពីការបាត់បង់គ្មានបញ្ហា។ កាន់តែឡូយ អ្នកអាចកប់វានៅក្នុងខ្សាច់បានជម្រៅ ០,៣ ម៉ែត្រ និងអាចដាក់ខ្នើយគេងពីលើវាបាន ដោយមិនចាំបាច់ភ័យព្រួយថារបស់យើងអាចត្រូវបានគេលួច។

Beach Vault មានតម្លៃប្រហែល ៣០ ដុល្លារ។

Sony ក៏មានទូរទស្សន៍កញ្ចក់កោងយ៉ាងឡូយដែរ មិនចាញ់ Samsung និង LG ទេ

2:52 AM technology

ក្រុមហ៊ុនជប៉ុន Sony មិនបណ្ដោយឲ្យគូប្រជែងទាំងពីរ LG និង Samsung បន្តធ្វើផ្គរធ្វើភ្លៀងនៅលើទីផ្សារ SmartTV ដោយមិនសំចៃទៀតនោះទេ ពោលគឺក្រុមហ៊ុនរបស់ជប៉ុនមួយនេះ បានក៏បានចេញទូរទស្សន៍កញ្ចក់កោង (Curved TV) ដែរនៅពេលនេះ។

ទូរទស្សន៍ ថ្មីនេះ មានឈ្មោះថា BRAVIA S90 មានទំហំ ៦៥ និង ៧៥អ៊ីញ និង Resolution 4K Ultra HD។ BRAVIA S90 មានរាងស្លីមហើយរូបភាពកម្រិត 4K ដែលស្មើនឹងរូបភាពកម្រិត Full HD គុណនឹងបួនដង។

ចំពោះ តម្លៃ ខាងក្រុមហ៊ុននៅមិនទាន់បានផ្ដល់ដំណឹងនៅឡើយទេ ដោយគ្រាន់តែដឹងថាវាក៏មិនចាញ់ Curved HD TV របស់ Samsung ទំហំ ៦៥អ៊ីញ (៥០០០ដុល្លារ) និង ៧៨អ៊ីញ (៨០០០ដុល្លារ) ប៉ុន្មានដែរ។

លក្ខណពិសេសមួយចំនួនរបស់ BRAVIA S90៖

-អេក្រង់មានពីរជម្រើសទំហំ ៧៥អ៊ីញនិង ៦៥អ៊ីញជាមួយ Resolution 4K (3840×2160)

-លក្ខណពណ៌ TRILUMINOS Display

-កម្រិតរូបភាព 4K X-Reality PRO

-ប្រព័ន្ធសំឡេង 4.2ch Multi-angle Live Speaker

-មានបច្ចេកវិទ្យា 3D

-មានឧបករណ៍ស្រូបសំឡេង និង កាមេរ៉ាច្បាស់។

ដបទឹកអាយុកាល ២ សតវត្សត្រូវបានរកឃើញក្រោមបាតសមុទ្រ

2:48 AM internationalnews

ដបទឹកចំណាស់ជាងគេបំផុត ត្រូវបានរកឃើញនៅក្នុងកប៉ាល់ដែលលិចបាត់ នៅបាតសមុទ្រប៉ាល់ទិក។ មកដល់ពេលនេះ ដបទឹកនោះមានអាយុកាល ២០០ឆ្នាំ ថែមទាំងមានជាតិអាល់កុលខ្ពស់ដែលអាចធ្វើឲ្យស្រវឹង ប៉ុន្តែអ្នកជំនាញបានអះអាងថាទឹកនៅក្នុងដបនៅតែអាចផឹកបាន។

ដប ទឹកអាយុកាល ២សតវត្សនេះ ត្រូវបានរកឃើញដោយអ្នកមុជទឹកម្នាក់នៅលើកប៉ាល់ដែលលិចបាត់មួយ ជិតឆ្នេរសមុទ្រប្រទេសប៉ូឡូញកាលពីខែឧសភា។ បន្ទាប់ពីយកមកធ្វើតេស្ត អ្នកវិទ្យាសាស្ត្របាននិយាយថា ទឹកនៅក្នុងដបនោះនៅតែអាចទទួលទានបាន ប៉ុន្តែដោយសារកប់នៅក្នុងបាតសមុទ្រយូរពេក ទឹកនោះបានអប់ទៅជាជាតិអាល់កុល ១៤ ភាគរយ ស្មើនឹងប្រភេទស្រាមួយចំនួនទៅហើយ។ លោក Tomasz Berdnarz ដែលជាអ្នកស្រាវជ្រាវក្រោមទឹកមកពីសារមន្ទីរជាតិ Maritime បាននិយាយថា “ដបទឹកនេះប្រហែលជាផលិតនៅក្នុងអំឡុងឆ្នាំ ១៨០៦ ទៅ ១៨៣០ ត្រូវបានរកឃើញនៅក្នុងប្រតិបត្តិការរុករកលើកប៉ាល់ F-53-31 ដែលលិចបាត់យូរមកហើយនោះ”។

ដបនេះធ្វើឡើងពីថ្ម ផ្ទុកទឹកបរិសុទ្ធ Selters ដែលមានគុណភាពខ្ពស់បំផុត និងត្រូវបានរកឃើញដំបូងកាលពីប្រហែលមួយពាន់ឆ្នាំមុន នៅតំបន់ភ្នំ Taunus នៃប្រទេសអាល្លឺម៉ង់។ បច្ចុប្បន្នទឹកប្រភេទនេះ នៅតែមានលក់លើទីផ្សារ គ្រាន់តែប្ដូររូបរាងថ្មី៕

ប្រថុយជីវិតចូលថតយកទិដ្ឋភាពក្នុងជំរំអ្នកជំងឺអេបូឡា

2:44 AM internationalnews

អ្នកថតរូបម្នាក់ បានប្រថុយជីវិតចូលថតយកទិដ្ឋភាពដល់ក្នុងផ្ទះដែលផ្ទុកអ្នកជំងឺ អេបូឡា ដ៏សាហាវនៅប្រទេសលីបេរីយ៉ា ក្នុងតំបន់អាហ្រ្វិកខាងលិច។ អ្នកថតរូបដែលជាបុគ្គលិករបស់ Getty Images រូបនេះ មានឈ្មោះថា John Moore។

រូប ខាងក្រោម នឹងបង្ហាញឲ្យប្រិយមិត្តបានដឹងពីទុក្ខលំបាករបស់ក្រុមគ្រួសារដែល មានសមាជិកឆ្លងជំងឺអេបូឡា ហើយត្រូវបានគេដាក់ឲ្យរស់នៅក្នុងផ្ទះដាច់ដោយឡែកពីគេ។ ដូចឃើញក្នុងរូបដ៏រន្ធត់ខាងក្រោមស្រាប់ បុរសម្នាក់បានដេកដួល ខណៈប្រពន្ធរបស់ខ្លួនបានត្រឹមតែឈរឱបក្បាលគួរឲ្យសង្វេគ ប៉ុណ្ណោះ។

ទិន្នន័យចុងក្រោយរបស់ អង្គការសុខភាពពិភពលោក (WHO) បានបង្ហាញថាចំនួនអ្នកស្លាប់ដោយមេរោគអេបូឡា បានកើនឡើងដល់ ១០៦៩ នាក់ហើយ ខណៈអ្នកឆ្លងក៏បន្តកើនឡើងរហូតផងដែរ៕

កីឡាករ Per Mertesacker ជម្រើសជាតិអាល្លឺម៉ង់ចូលនិវត្តន៍ម្នាក់ទៀតហើយ

2:42 AM about sport

កីឡាករ Per Mertesacker បានប្រកាសលាឈប់ពីក្រុមជម្រើសជាតិអាល្លឺម៉ង់ហើយក្នុងថ្ងៃសៅនេះ ត្រឹមវ័យតែ២៩ឆ្នាំប៉ុណ្ណោះដោយសារកីឡាកររូបនេះចង់មានពេលវេលា លេងនៅក្លិបអាជីពឱ្យគ្រប់គ្រាន់។

ខ្សែ ការពារកណ្ដាលដែលលេងឱ្យជម្រើសជាតិអស់រយៈពេល១០ឆ្នាំមកហើយនេះ បាននិយាយទៅកាន់កាសែត Suddeutsche Zeitung របស់អាល្លឺម៉ង់ថា៖ “ការឈ្នះពានរង្វាន់ World Cup 2014 ជាមួយក្រុមជម្រើសជាតិធ្វើឱ្យខ្ញុំសប្បាយចិត្តណាស់ ប៉ុន្តែនេះក៏គួរតែដល់ពេលខ្ញុំត្រូវចាកចេញសម្រាប់ឱ្យអ្នកជំនាន់ ក្រោយលេងម្ដងដែរ។ ខ្ញុំចង់ឈ្នះពានរង្វាន់ឱ្យបានច្រើនជាមួយក្លិបអាជីព(Arsenal) ដូច្នេះខ្ញុំត្រូវតែប្រើពេលវេលាច្រើនជាមួយសមាជិកនៅក្នុងក្រុម ដើម្បីហ្វឹកហាត់។ យើងដឹងហើយក្លិបនៅប្រទេសអង់គ្លេសមួយៗខ្លាំងៗណាស់អីចឹងបើចង់ ឈ្នះពួកគេ យើងត្រូវតែតាំងអារម្មណ៍មិនត្រូវគិតពីជម្រើសជាតិទេ។ កីឡាករក្មេងៗរបស់អាល្លឺម៉ង់លេងបានល្អណាស់ ដូច្នេះការចាកចេញរបស់ខ្ញុំនឹងមិនមានបញ្ហាទេប្រហែលរឹតតែធ្វើ ឱ្យក្រុមជម្រើសជាតិកាន់តែខ្លាំងជាងមុនទៀតក៏ថាបាន។ ខ្ញុំសូមអរគុណដល់សមាជិកក្រុមជម្រើសជាតិទាំងអស់ដែលតែងលើក ទឹកចិត្តខ្ញុំ ហើយសូមជូនពរឱ្យពួកគេសំណាងល្អគ្រប់ពេលវេលា”។

កីឡាករ ដែលផ្ទេរពី Werder Bremen មកលេងឱ្យក្លិប Arsenal តាំងពីឆ្នាំ២០១១រូបនេះចូលលេងឱ្យជម្រើសជាតិអាល្លឺម៉ង់បាន១០៤ ដងនិងរកគ្រាប់បាល់បាន៤គ្រាប់។ អតីតយុវជនក្លិប Hannover របស់ប្រទេសអាល្លឺម៉ង់ជាបេក្ខភាពទី៣ហើយដែលលាឈប់ពីជម្រើសជាតិ អាល្លឺម៉ង់បន្ទាប់ពីខ្សែបម្រើស្លាប Philipp Lahm និងខ្សែប្រយុទ្ធ Miroslav Klose ក្នុងរដូវកាលនេះ៕

ចប់ហើយ! លោក ទុយ វិច្ឆិកា អស់ឱកាសកាត់សេចក្ដីក្នុងពានស្ដេចប្រ៊ុយណេ

2:39 AM about sport

លោក ទុយ វិច្ឆិកា អាជ្ញាកណ្ដាលបាល់ទាត់លំដាប់ FIFA ប្រចាំនៅកម្ពុជា ទំនងជាអស់ឱកាសកាត់សេចក្ដីក្នុងការប្រកួតពានរង្វាន់ស្តេចប៊្រុយណេ Hassanal Bolkiah Trophy 2014 ហើយ ដោយសារគ្រេចកជើងស្ដាំ អំឡុងពេលហ្វឹកហាត់ កាលពីថ្ងៃទី ១៤ សីហា កន្លងទៅ។

លោក ទុយ វិច្ឆិកា កាល ចេញ ទៅ ប្រទេស ប៊្រុយណេ

ពេល នេះគ្រូពេទ្យបានផ្ដល់ថ្នាំឱ្យលេប និង ឱ្យសម្រាក ព្រោះសូម្បីតែដើរក៏ពិបាកដែរ។ តាមការឱ្យដឹងពីគ្រូពេទ្យលោកត្រូវសម្រាកយ៉ាងតិចក៏ចន្លោះពី ៧ ទៅ ១០ ថ្ងៃទើបជាសះស្បើយវិញ។ របួសនេះបានធ្វើឱ្យលោកត្រូវប្ដូរវេនពីការធ្វើជាមន្រ្តីទី៤ ក្នុងប្រកួតរវាងក្រុមថៃ និង ឡាវ កាលពីម្សិលមិញ។

បុរសវ័យ៣៥ ឆ្នាំរូបនេះគឺជាអាជ្ញាកណ្ដាលខ្មែរម្នាក់ដែលមានឈ្មោះទៅចូលរួម ក្នុងពានរង្វាន់ FBT 2014 ខណៈលោកមាននាទីដឹកនាំការប្រកួតក្នុងពូល A។ លោកធ្លាប់បានកាត់សេចក្ដីលើទីលានបាន២ លើគឺជាជំនួបពេលក្រុមថៃ ឈ្នះ ហ្វីលីពីន ២-០ និង ប្រកួតក្រុម ថៃ យកឈ្នះ ទីម័រខាងកើត ៥-០ ហើយក្នុងនោះក៏បានធ្វើជាមន្រ្តីទី៤ ចំនួន ៤ ប្រកួតផងដែរ។
របួសជើងនេះទំនងជាធ្វើឱ្យលោកអស់ឱកាសក្នុង ការប្រជែងសិទ្ធិទៅកាត់សេចក្ដីក្នុងការប្រកួតនៅវគ្គពាក់កណ្ដាល ផ្ដាច់ព្រ័ត្រ ឬ ផ្ដាច់ព្រ័ត្រ។
ទោះជាលោកមិនអាចបន្តដំណើរទៅ មុខបានក៏ដោយ តែលោកសង្ឃឹមថាក្រុមជម្រើសជាតិកម្ពុជាអាចមានឱកាសប្រជែងយកកៅអី ឡើងទៅប្រកួតនៅវគ្គបន្ទាប់ទៀត។
នេះជាលើកទី៣ ហើយសម្រាប់លោក វិច្ឆិកា ដែលបានចូលរួមកាត់សេចក្ដីក្នុងពានរង្វាន់ HBT ស្របពេលលើកដំបូងនៅឆ្នាំ ២០០៧ ធ្វើជាជំនួយការអាជ្ញាកណ្ដាល ហើយនៅឆ្នាំ ២០១២ និង ២០១៤ នេះធ្វើជាអាជ្ញាកណ្ដាលបញ្ជាលើទីលាន៕

ក្របខ័ណ្ឌ Premier League ជិតបើករដូវកាលទៅហើយ ស្រាប់តែអ្នកចាត់ការ Crystal Palace លាលែងពីតំណែង

2:36 AM about sport

លោក Tony Pulis បានលាលែងពីតំណែងអ្នកចាត់ការក្លិប Crystal Palace យ៉ាងទាន់ហន់កាលពីថ្ងៃព្រហស្បតិ៍ ក្រោមការព្រមព្រៀងគ្នាដោយស្ម័គ្រចិត្តទាំងសងខាង។

ការសម្រេចចិត្តភ្លាមៗនេះធ្វើឱ្យកីឡាករក្រុម Crystal ភ្ញាក់ផ្អើលសឹងតែត្រៀមចិត្តមិនទាន់ ពីព្រោះក្រុមកំពុងតែរៀបចំយុទ្ធសាស្ត្រដើម្បីធ្វើដំណើរទៅបើកឆាក ក្របខ័ណ្ឌ Premier League នៅទឹកដីក្រុម Arsenal យប់នេះ ស្រាប់តែអ្នកចាត់ការប្រកាសឈប់យ៉ាងមិននឹកស្មានដល់។

ទាំង ក្លិប Crystal និងលោក Pulis មិនទាន់បញ្ជាក់ពីមូលហេតុនៃការចុះចេញនេះនៅឡើយទេ ប៉ុន្តែមានការលើកឡើងថាគឺដោយសារតែអតីតអ្នកចាត់ការក្រុម Stoke City វ័យ៥៦ឆ្នាំរូបនេះអន់ចិត្តនឹងក្លិបដែលបរាជ័យក្នុងការជំរុញ ឱ្យកិច្ចព្រមព្រៀងមួយចំនួនលេចរូបរាងឡើងដើម្បីផ្ទេរកីឡាករផ្សេង ៗក្នុងរ៉ាដារបស់លោកមកពង្រឹងក្រុម។ Crystal បញ្ជាក់ថាលោក Keith Millen នឹងទទួលបន្ទុកដឹកនាំក្រុមបណ្ដោះអាសន្នពេលប្រកួតទល់នឹងក្រុម កាំភ្លើងធំយប់នេះ។

លោក Pulis ចូលមកកាន់តំណែងជាអ្នកចាត់ការក្រុម Crystal កាលពីខែវិច្ឆិកាឆ្នាំ២០១៣ក្រោមកិច្ចសន្យា២ឆ្នាំកន្លះក្នុងពេល ដែលក្រុមនេះកំពុងស្ថិតក្នុងស្ថានភាពយ៉ាប់យ៉ឺន។ វត្តមានរបស់អ្នកចាត់ការដែលនិយមប្រើយុទ្ធសាស្ត្របាល់វែងរូបនេះ ជួយ Crystal ឱ្យបញ្ចប់រដូវកាល២០១៣-១៤ក្នុងចំណាត់ថ្នាក់ទី១១នៃក្របខ័ណ្ឌ Premier League ហើយត្រូវបានជ្រើសរើសជា Premier League Manager of the Season ២០១៣-១៤៕

Dortmund ស៊ី Bayern Munich ២-០ យប់មិញលើកពាន German Super Cup

4:30 AM match

គ្រាប់បាល់ពីសំណាក់ខ្សែបម្រើ ប្រយុទ្ធជម្រើសជាតិអាមិននៀ Henrikh Mkhitaryan ក្នុងនាទីទី២៣និងខ្សែប្រយុទ្ធ ជម្រើសជាតិហ្គាបុង Pierre-Emerick Aubameyang ក្នុងនាទីទី៦២ ជួយឱ្យក្រុម Borussia Dortmund ផ្ដួល Bayern Munich ២-០ នៅកីឡដ្ឋាន Signal Iduna Park របស់ខ្លួនឯង លើកពាន German Super Cup យកង៉ូវហេងត្រៀមបើករដូវកាល Bundesliga។

គេ សង្កេតឃើញថា Bayern យប់មិញអវត្តមានខ្សែបម្រើល្បីៗជាច្រើនដូចជា Arjen Robben, Franck Ribery, Bastian Schweinsteiger និង Thiago Alcantara ជាដើម។ ផ្ទុយទៅវិញឃើញមានកីឡាករក្មេងៗមួយចំនួនមានមុខក្នុងជម្រើស ១១នាក់ដំបូងរបស់លោក Pep Guardiola ដូចជា Pierre-Emile Hojbjerg វ័យ១៩ឆ្នាំ, Sebastian Rode, Juan Bernat វ័យ២១ឆ្នាំនិង Gianluca Gaudino វ័យ១៧ឆ្នាំ ខណៈ Mario Gotze និង Philipp Lahm អង្គុយនៅកៅអីបម្រុងរហូតដល់តង់ទី២ទើបមានឱកាសចូលលេង។

Dortmund midfielder Henrikh Mkhitaryan (right) beats Bayern keeper Manuel Neuer to open the scoring

ជា រឿងមួយស៊យសម្រាប់ Bayern ដែរយប់មិញ ដោយខ្សែបម្រើការពារជម្រើសជាតិអេស្ប៉ាញ Javier Martinez រងរបួសជង្គង់ពេលយារជើងស៊ុតបាល់ហើយប៉ះទង្គិចនឹងខ្សែការពារ របស់ Dortmund។

Javier Martinez is being carried off on a stretcher after suffering a knee injury

នៅចាំបានថាកាលពីមួយឆ្នាំមុន Dortmund ផ្ដួល Bayern ៤-២ នៅលើវាលស្មៅនេះក្នុងពានរង្វាន់ដូចគ្នានេះ ប៉ុន្តែ Dortmund បែរជាបញ្ចប់រដូវកាល Bundesliga ដោយចាញ់ពិន្ទុ Bayern ដល់ទៅ១៩ពិន្ទុ និងថែមទាំងចាញ់ Bayern ក្នុងវគ្គផ្ដាច់ព្រ័ត្រ DFB Pokal Cup (German Cup) ទៀត។ ចុះរដូវកាល២០១៤-១៥នេះយ៉ាងម៉េចវិញ?

ប៉ុណ្ណឹងនៅតែល្អ! U-21 កម្ពុជា ចាញ់ U-21 ម៉ាឡេស៊ី ប្រផុតប្រផើយ ១-០

4:29 AM match

ក្រុមបាល់ទាត់អាយុក្រោម២១ឆ្នាំកម្ពុជាមិនអាចបន្តស្វែងរក ជ័យជម្នះ៣ប្រកួតជាប់គ្នាបានទេ បន្ទាប់ពីចាញ់ក្រុមម៉ាឡេស៊ីដោយលទ្ធផលប្រផុតប្រផើយ ១-០ មុននេះបន្តិចសម្រាប់ការប្រកួតទី៣របស់ខ្លួននៅពូល B នៃពានស្តេចប៊្រុយណេឆ្នាំ២០១៤។
ការប្រកួតដ៏ស្វិតស្វាញរវាង ក្រុមទាំងពីរមិនអាចទម្លាយសំណាញ់ទីគ្នាបានទេនៅតង់ទីមួយ។ លោក ឆាំង ពិសិដ្ឋ អ្នកចាត់ការទូទៅក្រុមជម្រើសជាតិកម្ពុជាបានប្រាប់ពីប្រទេស ប៊្រុយណេតាម Facebook ថា ការប្រកួតនៅតង់ទីមួយរវាង កម្ពុជា និង ម៉ាឡេស៊ី ដំណើរការបានតែ២០នាទីក៏ត្រូវផ្អាកការប្រកួតដោយសារ មានភ្លៀងធ្លាក់ខ្លាំងបណ្តាលឲ្យពិបាកក្នុងការលេងនៅលើទីលាន។ បន្ទាប់ពីផ្អាកបានបន្តិច ការប្រកួតក៏បន្តឡើងវិញដោយរាប់ចាប់ពីនាទីទី២០ឡើងវិញ ប៉ុន្តែក្រុមទាំងពីរមិនអាចទម្លាយសំណាញ់ទីគ្នាបានឡ់ើយរហូតចប់ តង់ទីមួយ។
ចូលតង់តង់ទីពីរក្រុមទាំងពីរបានបន្តគ្រប់គ្រង បាល់រៀងខ្លួន ប៉ុន្តែនៅតែមិនអាចទម្លាយសំណាញ់ទីគ្នាបានរហូតដល់នាទី៦៦ ទើបម៉ាឡេស៊ីបំប៉ោងសំណាញ់របស់កម្ពុជាបានសម្រេចដើម្បីនាំមុខ១-០។ បន្ទាប់ពីគេនាំមុខ ក្រុមកម្ពុជាបានព្យាយាមវាយសម្រុកយ៉ាងខ្លាំង តែគ្មានសំណាងឡើយ។ ចប់ការប្រកួតកម្ពុជាចាញ់ម៉ាឡេស៊ី ១-០។
មួយ គូទៀត ក្រុមម្ចាស់ផ្ទះប៊្រុយណេបានបន្ថែម៣ពិន្ទុទៀតហើយ បន្ទាប់ពីលត់ក្រុមសិង្ហបុរីដោយលទ្ធផល ៣-១ ។ ប៊្រុយណេបាននាំមុខ២-០ នៅតង់ទីមួយ ហើយចុងតង់ទីពីរបន្ថែមមួយគ្រាប់ទៀតនៅនាទីបន្ថែម ប៉ុន្តែសិង្ហបុរីអាចរកបានមួយគ្រាប់ដែរនៅនាទីម៉ោងបន្ថែម។

តារាងចំណាត់ថ្នាក់ពិន្ទុពូល B បណ្តោះអាសន្ន

ព័ត៌មានថ្មីបំផុត

Recent Articles

ព័ត៌មានអន្ដរជាតិ

ព័ត៌មានជាតិ

ព័ត៌មានកីឡា